فضفضة عاشق:: انا مش مدب هي اللى غبيه!!‏

شـويّـة رومـانسيـه

هي لازم تفهم اني مش مَدَبّ
واحد قاعد مع صاحبه فى قهوه
ماسك الشيشه بايد وببشوح بالايد التانيه ومنفعل
انا مش مَدَبّ.. انا مش عارف هي جابت الكلام ده منين ؟
صاحبه:اهدى بس
هو: كل م.اقولها حاجه .. تقولي انا مَدبّ.. حماره مبتفهمش في المشاعر
صاحبه:احكيلي ايه الي حصل ؟
هو بيحكى:
قاعدين في الكافيه
قاعدين على ترابيزه مدوره وهي قدامي
قولتلها أديني جايبك حتت نضيفه اهو مروحتيهاش قبل كده
طلبنا برتقان و موكاها ونزلت .. وبكلمها يا عم وعمّال اقولها الكلام الكبير بتاع المشاعر
و هي غايه في الغباء
عمال المّح ليها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شويه بالطفاسه اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حموريه
أقولها حاولي تلبسي لنسيز علشان النظاره دي مبيناكي عجوزه ومش حلوه على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها العته
اقولها ان بعض تصرفاتها مش عجباني و انها بترغي كتير في الموبايل
تقولي: م.انا بكلمك برده
اقولها : م.هو ده قصدي .. انتي بترغي وبتكلفيني كتير في الفاتوره
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حتدفع فأخدت منها الشيك وقولتلها انا اللي حادفع
وضحكتْ وقلتلها : مفيهاش حاجه لما أدفع ده كمان .. م.احنا المرتين اللي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءه والثقافه
و انت عارف محسوبك تقيل في الحاجات دي
لغاية م.قالتلي على الكاتب اللي بتقراله دلوقتي ومدى حبها ليه وبكتاباته
قولتلها : انه حمار واللي بيقروله بهايم
علشان تفهم اني مثقف وداري بما يدور في الساحه الثقافيه
ومطلع على جميع الكتاب و الاصدارات
ولا حياة لمن تنادي
دفعنا الشيك و خرجنا
سيبتها عند الباب ولما قالتلي : مش حتوصلني
قلتلها : لأ طبعا
سيبتها في الشارع و ركبت العربيه ومشيت
علشان تفهم اني مش مدلوق عليها
حلو لحد كده يا عم ؟
عاطفه و اشواق وحب على أبوه من الأصلي
هي دي الرومانسيه
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانه والموضوع حيقع عليّ بخساره
كلّمتها وقلتلها الكلمتين
قالتلي : اني ظريف وطيب بس هي عايزه واحد رومانسي
ضحكتْ و قلتلها : انتي حماره بقى .. .. كل ده ومش رومانسي ؟؟؟؟
انتي لازم تعملي اختبار ذكاء.. . غباء غريب
دانا وديتك اماكن مروحتيهاش وصرفت عليكي
و كلمتلك عن وشك وجسمك يا تخينه ..
داحنا مثقفين زي بعض وبلاش كده
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمه تبعتلي مسج تقولي :
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبيه.. مبتفهمش.. مبتفكرش
في حموريه و غباء كده.. قولي
في حد كده ؟؟

ههههههههههههههههههههههههههه

انا اقلك يا عم

انت ستيييييييين مدب

ههههههههههههههههههههه

هههههههههههههههههههه

طبعا طبعا انت رومنسي جدا وصريح كمان بس تعمل اية في الغبااااااااااااااااااااااااااء بتاعك

ههههههههه

شكرا شكرا شكرا يا كبيرة ع الموضوووووووووووووع الشديد

هههههههههههههههههههههه
شكرا ليك يااياد لمرورك الطيب

هههههههههههههههههههههههههههههههههههههههههههههههههههه

لا فعلا عنده حق يعني يعمل ايه اكتر من كده

الراجل ضغط على مشاعره علشان يبقى رومانسي

هههههههههههههههههههههه

انا اظن انه لو كان على طبيعته و محطش في دماغه انه يبقى رومانسي هيكون ارحم شوية

ههههههههههههههههههههه

ميرسي ي جميل على التوبيك

بجد جااااااااااااااااااااااااااااااااااااااااااااااااااااااااااااااااااااااااااااااااااامد

هههههههههههههه
شكرا لمرورك ايما

حرااااااااااااام بجد الى الناس بيعملوا فى الناس

ده مش اسلوب بجد

وكمان بيشتم وغبى وحمار

دى كرمتك لما قالتلك انك مدب

ده انت خساره انك تكون انسان اساسا

بجد موضوع جامد مووووووووووووووووز

شكرا ليكى يا جامد انت

هههههههههههههههههههه
شكرا ليكى ياقمرايه
نورتى التوبيك