مش عارف ابدأ منين ولا منين؟؟؟!!!
كلام كتير بشوفه وبسمعه وبسكت ومش بتكلم
بس بجد فاض بيا اي حد عايز يتشهر يتكلم عن تامر..
وانا مش هتكلم غير عن تامر وهرد بس علي كلامهم
قالوا عليك فنان مش صادق
فنان معندوش جمله
فنان مش شاطر
مانفتكرش ولا اغنيه حلوة لتامر
فنان افسد الاغنية العربية
فنان مغرور(
فنان مش صادق)اصلهم يا جماعه ماشفوش تامر وهو بيغني اغنيه امي ثم امي وهو بيعيط في الاستوديو وحميد الشاعري بيهديه
اصل ماسمعوش تامر وهو بيغني مش عارف اعمل حاجه لفلسطين وماشفوش كل الصدق اللي في صوته واحساسه
فنان مش صادق فعلا مش سفير الخير مش سفير النوايا الحسنه مش بيعمل اي حاجه صادق فيها ولا في الغنا صادق ولا في اعماله صادق.....
(
فنان مش شاطر)يااااااااااااااااااااااااااه كلمه جامده
اصل مايعرفش ان
تــامــر حســني مش بس مطرب ده ملحن ومؤلف وممثل
استطاع وفي عشرة سنوات انا يحقق ما يعجز عليه اي مطرب اخر
ونشوف كده الفنان اللي مش شاطر دهخمسه وخميسه الاول علي عيونكم:أعلي مبيعات عن ألبوم حـــــــــب عـــ 2003 ـــــام
جائزة أوسكار السينما العربية عن فيـلم حــالـة حـــــب(أحسـن ممــثل)
جـائـزة أحسـن أغـنـية من 25 عـــــــــــــام الأغنية الأسطـــــــــوريـة(عــيـ- ونــوا دار)
جائزة أفــضــل مــطــرب عـــــ 2005 ـــام عن إستفتاء مجلة حـريــتــي
جائزة الشرق الأوسط لأفضل مطرب عربي(تـــامر حســني) وأفضل أغنية عاطفية (ميجرمنيش مـنـــك)
أعلي مبيعات عن ألبوم عيــنــيا بتــحبـــك عـــ 2006 ـــــام
أفضل فيديو كليب عينـيـا بتحــبك عــ 2006 ــــام
جائزة حـب الجمــهــور من مجلة إذاعة الشرق الأوســــط
جائزة أفضل مطرب عربي من مجلة DG MAGAZINE وعلي مدار 3 سنوات متتالية (2005 + 2006 + 2007) ليثبت فعلا أنه أفضل مطرب عربي.
جائزة Mobinil Music Awards عام 2007
افضل مطرب وافضل كليب في استفتاء موقع Oscar Modern
افضل مطرب من اذاعه الشرق الاوسط عــــ 2007 ــــام
جائزة المطرب الموهوب حول العالم والتي تحمل إسم “بيج آبل أوورد” التي منحته إياها إحدى المؤسسات الاميركية2009
افضل كليب رجالي من (art) عن كليب يا تاعبه كل الناس
من اذاعة أراب ساوند ::: Come Back 2 me ::: أحسن أغنية لعام 2009
تامر تم اختياره من احسن 100 شخصيه عربيه في العالم
التغييرات والطفرات والتجديدات اللي قدمها تامر خلال مشوارة الفني
أصدر تامر أول ألبوم ديني إجتماعي الذي حقق نجاحا واسعا(الجــنـــة فـي بيــوتـنــا)
الكليب الأكثر من رائع(أنا مش عارف أتغير) الذي أعتقد أنه أسطورة فعلا لما يتركه من أثر كبير جدا في نفس كل من يسمعه
تقرب تــامــر للأطفــال من خلال تجربـتة الجميلة (سـنـوحــي)
المشروع الأكبر والأضخم فـي حـب مـصـر
وهو عبارة عن عمل 27 حفلة في جميع محافظات مصر وتخصيص دخلها بالكامل للمستشفيات والفقراء
تجديدة الكــــــــامـــل عند صــدور كــل ألبـــوم لـه سواء تلحين أو كلمات أو توزيع وغيرة من عوامل التجديد
تامر حسني وتقربة من قلوب الناس وخاصة الأطفال في كليبه الجميل(شهر رمضان
دايما متواضع ودايما متقرب من جمهورة ولا يحب أبدا وضع فاصل بينه وبينهم
تقرب من الأمهات حيث قدم أغنية أمي مع مجموعة من المغنين الشباب
قدم العديد من الأغنيات الوطنية مع كثير من المطربين
حقق تامر العديد من النجاحات المتتالية في السينما رغم أنه لم يقدم سوي 5 تجارب فقط
لكنه نجح في تحقيق جماهيرية كبيرة لما يتمتع به من إشراقة جميلة علي الشاشة وخفة ظل
قدم حالة حب الفائز بجائزة أوسكار السينما العربية كأفضل فيلم.
قدم سيد العاطفي والذي حقق إيرادات كبيرة وقتها حوالي 11.026.490 .
والفيلم الذي حقق مبيعات قياسية (عمر وسلـمي)حيث حقق ما يقرب من 23 مليون جنية
قدم كابتن هيما والذي حقق حوالي 14 مليون
واخيرا فيلم عمرو وسلمي 2 اللي حقق اعلي الاردات وفيلم بجد تحفه تحفه
والشريط اللي مكسر الدنيا هعيش حياتي
ومجهود الشريط والفيلم ده معدوش كده
تامر فاز في مهرجان ART بجيزتين
افضل مطرب ممثل عن فيلم عمر و سلمي 2
و افضل البوم رجالي عن البوم هاعيش حياتي
والاغنيه الاجنبي اللي جمع فيها تامر بين 3 انواع من الغناء راب واجنبي وعربي وديه حاجه فريده من نوعها واكيد كلنا مبهورين بالنجاح اللي حققته الاغنيه ديه!!
وفيلم نور عيني اللي مكسر الدنيا واللي حطم كل الارقام القياسيه في السينما المصرية
الذي حصد على اعلي ايرادات السينما المصرية بمقدار مليون وخمسة مائة جنيه في اليوم الواحد
وشريط اخترت صح اللي مجننا كلنا ومستنينه بفارغ الصبر
وكليب (لأول مرة) والابداع والفكر الجديد من كليب وكلمات ولحن وتوزيع
والكليب الاخير يا أنا يامافيش قمة الروعه في التصوير والاماكن واللحن والتوزيع والكلمات الجميله
الخفيفة اوي علي القلب والاداء الرائع من تامر في الكليب
ماشاء الله عليك يا تامر وعلي افكارك..
وواخيرا الحمد لله تعب تامر وكل الانجازات دي مش علي الفاضي تامر ان شاء الله هيتكرم في نيويورك لحصوله علي جائزه البيج ابل2010لانه فنان شامل و لاول مره في العالم
فنان يغني و يمثل و يكتب اغانيه و افلامه و يلحن و يخرج و ينتج
و محقق نجاح كبير في كل المجلات دي تستاهل كل خير والله يا تامر فعلا انت اسطورة القرنانا اقول ايه ولا ايه
في حاجات كتير ناسيها مش عارف افتكرها دلوقت
بس في الاخر اهو تامر حسني فنان مش شاطر
الناس دي عندها حق فعلا تامر انسان مش شاطر حتي حفلاته بره مصر
كلها فاشله ولا في جمهور ولا في حد بيستقبله ولا في 200000 كانوا في حفلة المغرب
ولا 30000 استقبله في مطار سوريا ولا 60000 حضروا حفلة سوريا
ولا في كل استقبال من دوله عربية المطار بيبقي في اي حد مستنيه ولا مستني حفلاته.. ولا حد بيحضرها اصلا .. Lol
ومايعرفوش انه واخد احسن اغنيه في الله يباركلي فيك السنه اللي فاتت وللعلم كل ده من كلمات تامر حسني
بعيد عن جوايز الاغاني بقي اصل الناس دي عندها اذن موسيقيه وماسمعوش اغنيه حبيبي وانت بعيد _ولا قولي بحبك _ولا لما بتكون بعيد _ولا حرقه دم _ولا يا نور عيني _ولا هوصلك _ولا انا ولا عارف _ولا ارجعلي _ولا افتكرلي:_ولا عنيها دمعت _ولا اصعب احساس _ولا يارب انا تعبان _ولا روح قلبي _ ولا ماتوصنيش _ولا قسمه ونصيب_ ولا قلبي اللي حبك _ولا بغير عليها_ولا تعال ارجع تاني
معلش معزووورين بردو للعلم يا جماعه كل الاغاني اللي فاتت ديه كلمات والحان تامر
غير طبعا شريط الجنه في بيوتنا اللي كله كلمات والحان تامر بردو
ومعلش يا جماعه ماسمعوش كريم محسن لما كان وسط ثلاثي من كارهي تامر في برنامج شبابيك وقالهم.. ليه الناس مابتفتكرش اغنيه انا مش عارف اتغير اجمل اغنيه نزلت في العالم العربي كله واتحدي اي واحد يقول ان الاغنيه ديه مأثرتش فيه والتلاته ماقدروش يتكلموا وقالوا فعلا اثرت فينا
يااااااااااااااااااااه هما كانوا بيقولوا ايه تامر مالوش اي اغنيه حلوة
طب سقفلوهم.........طب سقفولهم تاني
وانا قولت اغاني كلمات والحان تامر بس انا هقولك علي شويه اغاني تانيه بس مش كلمات تامر الناس دول بردو ماسمعوش الاغاني دي : انت حياتي _ مكنتش مبيبن _ عرفت اللي فيها _ صوتك ولا بعيش _ولا انا بس مضياق _ولا ريح بالك _ولا انت تاني _ولا يا حبيبي شوف _ولا بيني وبينك _ ولا محدش يقولي
يا جماعه انا تعببببببببببببت اقول ايه ولا ايه
والله بجد مش عارف اقول ايه ولا ايه ولا ايه ؟
هههههههههههههههههههه
قال ايه تامر مالوش ولا اغنية حلوة وتامر بيفسد الاغنية العربية
ااااااااه قبل ما انسي احب اقول حاجه لاي واحد فكر ان تامر مغرور واي واحد قال ان تامر بيكره عمرو دياب
علي فكرة تامر من اكتر الناس اللي بتحب عمرو دياب لو تفتكروا في 2005 لما تامر خد احسن مغني في مصر من عمرو دياب بفرق صوت واحد قال ايه انا اكيد محظوظ ان اخد الجايزة ديه وانا من اكتر الناس اللي بتحب الاستاذ عمرو دياب وداخل مجال الغناء عشان ابقي حاجه زييه
وديه عندي فيديو اصل حد يكون مستغرب ان تامر خد احسن مغني في مصر في 2005 من عمرو دياب
ولما عمار الشريعي استضاف تامر في رمضان قبل كده قال امنية حياتي اني اعمل دويتو مع الاستاذ عمرو دياب بس الاستاذ عمرو دياب مش موافق
فعلا يا جماعه الكلام ده بيدل ان تامر بيكره عمرو اوي وبيدل انه مغرور اوي صح ولا ايه؟
وقبل ما انسي بردو انا اسف اني بطول عليكم بس سبوني ااخد فرصتي بقي انا بجد تعبت واتخنقت ونفسي اتكلم اكتر واكتر واكتر
شوفنا رأي كارهي تامر اللي فات وردينا عليه هنشوف مع بعض بعض الاراء من الوسط الفني
رأي اليسيا في تامر لما قالت عندما اسمع تامر يغنى كأنى اسمع العندليب
كارهي تامر قالو ان تامر غلط لما قال ان جمهور سوريا استقبله زي العندليب وام كلثوم
قالو ان مجلة روتانا غلطت لما سمت تامر بالعندليب التاني قالو ان تامر ميستحقش اللقب دة قالو وقالو وقالو دلوقتي حد تاني قال كلام غير دة خالص حد كبير حد عالمي حد عارف العندليب الاول عبد الحليم حافظ حد مبيعرفش يجامل وبيقول الحقيقة
وهو الموسيقار العالمي :مجدي الحسيني تامر انا بحبه جدا ولما بعزف معاه بفرح جدا فرحة عمري ما فرحتها غير مع عبد الحليم ودي تاني مرة بحسها مع تامر بجد شهادة جديدة ووسام على صدر تامر وتامر قال لأ انا مستاهلش كل دة
و رأي نوال الزغبى: تامر حسنى ملك الجيل واولادى يعشقونة
و كلام الممثلة المصرية يسرا في حبيبنا تيمووووووز تامر مطرب ذكي جدا يعرف متي ينجح و كيف ينجح ويعرف ذوق جمهوره جيدا ويعجبني طموحه وموهبته وصوته الدافئ احترمه جدا واعتبره قدوة لجيل الشباب في عصرنا هذا احب اغنيه لتامر حسني حبيبي وانت بعيد تذكرني بالذكريات الجميلة فرحت جدا عندما اقتربت مبيعات البوم من البوم تامر حسني لانه مطرب عصري وهو الوحيد في جيله الذييغني بصوته ودماغه
رأي خالد صالح خالد صالح : أعشق دبى ...واحب تامر حسنى لانه بيغني كل الالوان
رأي رزان مغربي:تامر حسني الاجدر بالميوزيك اوورد بعد محمد منير
وكلام امير الغناء العربي وده بعده مستحيل استني اسمع ارائ تانيه بيقول
اكتر واحد بسمعو هو تامر حسني عشان هو فنان متواضع جدا و احساسو في لما بيغني عالي اوي و كمان بيلحن و بيكتب كويس اوي
و انا بحب اوي الانسان ده عشان تواضعو و حبو للناس و احترامو للفنانين و
و انا لما بسمع عنو اشاعه بقول لنفسي لا اله الا الله هما لما شيفينو ناجح كده و متواضع بيطلعو عليه اشاعات:
وسميرة احمد قالت انا هعتذل التمثيل لو تامر اعتزل الغناء
وابوتريكه حببنا كلنا قال تامر صوت مصر حقا
محسن جابر ولماذا لا نعترف ان تامر حسني ظاهرة كبري
وصفه انيس منصور بخليفه عبدالحليم في جيله
الشريعي وحلمي بكر وتميم والوسيمي يؤكدون تامر ظاهرة
فنية تستحق الدراسه
سمير غانم وغادة عادل واشرف زكي تامر حسني صوت جميل وبلدوزر الاغنية الشبابيه
وفي كتير وكتير انا بفتكر الحاجات اللي عندي صور وفيديو ولقاءات يعني مش كلام بجيبه من دماغي
واكيد في حاجات كتير ماعرفهاش واراء في تامر كتير ماسمعتهاش:
انا بجد عايز اتكلم ولسه عندي كلام بس حاسس اني بقيت تقيل اوي عليكم وتعبتكم معايا وطولت عليكم اوي
انا اسف بجد بس كان لازم اطلع اللي جوايا لاحلي منتدي في الدنيا اصحابي واخواتي بجد
معلومه صغيرة بعيده عن الموضوع علي فكرة انا حبيت تامر بعد كره انا كنت بكره تامر اوي اوي وحبيته بطريقه فظيعه لاني عرفت بجد انه انسان ومافيش حد كده بجد في طيبته واحساسه وصدقه انسان قدر يوصل لقلبي بكلماته واغانيه واحساسه العالي اوي انسان سيطر علي مشاعري واثر فيا بكتير من اغانيه
والاغنيه اللي عملت فيا كده اغنيه كل البشر يا جماعه اسمعوها تاني بجد الاغنيه ديه فوق الروعه مش معقول يا ناس والله سمعتها عيطت والله حسيت ان تامر بيكلمني
ممكن محدش ياخد باله منها اوي بس بليز اسمعوها تاني بجد بس اسمعوها باحساسكم هتعرفوا قيمه الاغنيه ديه بجد
(عارف فلان..عشرته..يبقي انت ماتعرفش.. واللي احنا مش عارفنهم..بنحولهم وحوش)
وفي النهاية أود أن أقول شيئا لمن يحاولون تشوية صورة تامر سواء بنشر الشائعات أو تقويله الكذب
ومن يحاولوا أن يساعدوا بعض المطربين علي حسابه وليس حبا في هؤلاء المطربين
لا تعتقدوا أن تــامـر حسـنـي يمكن أن يتأثر بتلك الأشياء التي لا تصدر إلا من مرضي يجب معالجتهم
تامر الحمد لله كون جمهور كبــــــــير جدا من كل أنحاء الشرق الأوسط
ومش محتاج لناس مرضي يشككون في موهبة مــلـك الـجـيـل تـامـر حـسـنـي
سنين فاتوا متعتنا بإبداعاتك وفنك الجميل اللي أكيد مختلف عن الباقي تماما
ولسه السنين جايه وهتمتعنا اكتر يا احلي تامر في الدنيا يا سفير الخير يا سفير النوايا الحسنه يا اسطورة القرن
مستنين نور عيني ومستنين الالبوم الجديد ومستنين جديدك ودايما معاك ودايما بنحبك
تامر يا نجم الشباب ونجم الاطفال ونجم الكبار واسف لو قولنا عليك نجم الجيل انت نجم الجيلين ربنا يحميك ويخليك لينا يارب
والله افتكرت حاجات كتير اوي دلوقت ونفسي اتكلم فيها معاكم بس كده شكلكم هتخنقوني وهتزهقوا مني
يلا بقي سلمولي علي نفسكم:
واتمني من قلبي ان التوبك يعجب الجميع وان المنتدي كله يشوفه:
شوفتوا كنت هنسي احب اهدي لكارهي تامر واي حد بيتكلم عن تامر اغنيه عنيها دمعت لتامر حبيبي
في ناس اتجمعت
علشان تاذي انسان واحد من البشر
قامت امه دعت
يارب ماليش غيره حنن عليه القدر
وعنيها دمعت
في ناس اتجمعت
علشان تاذي انسان واحد من البشر
قامت امه دعت يارب ماليش غيره حنن عليه القدر
وعنيها دمعت
ربنا حفظه وعلاه علشان مظلوم خلاه بعيد عن كل سوء
وعن شر البشر
عرفتوا مين تامر حسني بقي هو ده الفنان اللي مش صادق الفنان اللي مش شاطر الفنان اللي عمري ماسمعتله اغنية حلوة الفنان المغرور اوي اوي
انا اسف اوي كنت عايز افضفض معاكم كمان شويه بس شكلي رخمت اوي
ويارب التوبك ده يوصل لتامر حبيبي ربنا يحميه ويحفظه يا رب
يلا بقي اسيبكم علي خيرM.Ebaid
محمد عبيد..!
رسالة sms
الثلاثاء يونيو 01, 2010 2:57 pm
