10 عيوب لمذاكرة بابا

السلام عليكم

بصراحه احنا جيل يحب ان يعيش بمزاجه وعلى راحته وبكيف كيفه
جيل يعشق الحريه والجنون والاختلاف
جيل يرفض التدخل من القريب او الغريب فى مختلف تفاصيل حياته
من اللعب واللهو والهياس
الى المذاكره والدح
ومع ذلك
فهو لا يسلم ابدا من تدخلات الاهل التى تكون احيانا كثيره فى غير محلها
وفى مثل هذا الوقت من كل عام يبدا بعض الطلبه فى اخذ كورسات فى مختلف المواد التى يكونون قد حجزوا لها منذ بداية العام ليس فقط رغبه فى زيادة التحصيل بل هربا من ابائهم الذين يقومون بفرض أنفسهم كأساتذه ومعيدين ودكاتره
ومعنا نعلن اهم الاسباب التى يرفض بسببها الجيل الحالى مذاكره ابائه ( مع كامل الاحترام لكل الاباء )

1- بطىء وممل
2-ممكن تسرح وتروح دنيا تانيه وهو يشرحلك بشرط تهز راسك وهوه بيتكلم واول مايقولك فاهم يابنى تقوله فاهم يابابا
3- تقرا كل كلمه عشر مرات وتكتب كل كلمه تقرائها وكانك فى كتاب او بالكثير تلميذ فى مدرسه مش طالب
فى جامعه
4- تعد فى الصفحه الواحده اربع ساعات
5- عايش على ايام كتاب المدرسه وفاكر ان فيه البهريز وميعرفش ان الكتاب دا جايبينوا بس عشان الدكتور ما يسقطناش وميذاكرلكش من المذكرات اللى فيها المفيد واللى بتيجى منها اسئلة الامتحانات
6- صوته عالى كانه بيشرح لمدرسه مش لشخص واحد بس
7- فاكر نفسه بروفيسور فى الماده اللى بيشرحها مع انه يادوب واخدها من 40 سنه ومش فاكر غير اسمها
8-اتهامك المباشر بالغباء وعدم التركيز وقلة الفهم والفشل
9- لو سالته سؤال ومعرفش يجاوبه يكون فى اتم الاستعداد للافتاء فيما لا يعرف
10- متتطلعش منه فاهم حاجه

تحياتى الخاصه لكم
ليله بكى فيها القمر